PISTONS vs CLIPPERS
Clippers befasohet nga Detroit, humb kreun
26 November, 2016 @9:43
Detroit Pistons arriti t’i thotë “stop” skuadrës në formë, Los Angeles Clippers.
Pistonsat, e kishin një epërsi tepër komode gjatë lojës, por me shënimet e JJ Redickut, Clippers e barazoi rezultatin në çerekun e tretë.
Në 12 minutëshin e fundit, më të koncentruar ishin lojtarët e Detroitit dhe kështu e mposhtën kundërshtarin me rezultat 108-97.
Gjashtë lojtarë luajtën me pikë dyshifrore, derisa më i dalluari ishte Marcus Morris me 17 pikë. Në anën tjetër JJ Recick dhe Blake Griffin shënuan nga 24 pikë secili, por nuk mjaftuan të kthehen në Los Angeles me fitore.
Kjo ishte humbja e tretë e stinorit për Clippers derisa i kanë 14 fitore deri më tani dhe u zhvendosën në pozitën e dytë në Konferencën Perëndimore pas një kohe të gjatë që ishin në krye të tabelës.
