Prishtina mëson edhe grupin dhe rivalët

Ish kampionia e Kosovës në basketboll, Sigal Prishtina, ka mësuar edhe rivalët grupor, me të cilët do të mund të takohet, nëse kalon tre raundet e para kualifikuese në Ligë të Kampionëve të basketbollit.

Hapoel Holon, Tenerife, Opava, PAOK, Bonn dhe Venezia - do të jenë rivalët e bardhekaltërve nëse do të mund të arrijë në fazën grupore të Ligës së Kampionëve.

Në stinorin e kaluar, kur debutoi në Ligë të Kampionëve të basketbollit, Sigal Prishtina nuk kaloi as xhiron e parë kualifikuese.

Kësaj radhe, shorti e ka vendosur përballë Donar Groningen të Holandës (ndeshjet luhen më 20 dhe 22 shtator). Nëse kjo kalohet, atëherë përballë do ta ketë fituesin e ndeshjes Fribourg Olympic - Avtodor Saratov. E nëse kalohet edhe kjo, atëherë kualifikimi final do të jetë ndaj Sakarya Buyuksehirit para se të futet në fazën grupore.