DRITA - PRISHTINA
Prishtina rrëzon Dritën nga kreu
25 April, 2021 @16:45
Derbi kryesor i javës në Superligë ndërmjet Dritës dhe Prishtinës përfundoi me fitoren e prishtinasve me rezultat 1-2.
Drita megjithëse kishte epërsinë e para me golin e shënuar në minutën 21’ nëpërmjet Betim Haxhimusës, nuk arriti ta mbajë rezultatin deri në fund.
Rezultati në 1-1 u barazua në minutën 36’ me golin e shënuar nga Endrit Krasniqi, që përcaktoi edhe rezultatin e pjesës së parë.
Në pjesën e dytë Prishtina e gjeti golin e fitores nëpërmjet Besnik Krasniqit në minutën 72’.
Vetëm gjashtë minuta më vonë Drita pati një tjetër rast shënimi, por Hamdi Namani u gjend në pozitë jashtë loje.
Me këtë rezultat tani pikët në krye të tabelës barazohen mes Ballkanit dhe Dritës, që tani kanë nga 64 pikë, derisa Prishtina mbetet në pozitën e tretë me një pikë më pak.
