Prishtina sonte përballë gjermanëve

Kampionia e Kosovës, Sigal Prishtina të mërkurën do të përballet në udhëtim me skuadrën gjermane, Medi Bayreuth, ndeshje që fillon nga ora 20:00.

Ky takim zhvillohet në kuadër të grupeve në FIBA Europe Cup. Përndryshe, mediBayreuth në përballjen e parë të Grupit C është mposhtur nga Ventspilsi.

Prishtinasit në xhiron e parë mposhtën në shtëpi Apoel Nicosia me rezultat 93:74, ku kishte shkëlqyer Dardan Berisha me 32 pikë.

Berisha hyri në TOP 5 basketbollistët më të mirë të javës, e më pas edhe më pas u votua nga tifozët edhe Lojtari i Javës në xhiron e parë të FIBA Europe Cup.

Bardhekaltërit shpresojnë se në këtë edicion do të arrijnë rezultate sa më të mira, kurse edicionin e kaluar për herë të parë ishin në TOP 16.