CITY-UNITED
Qetë në derbin e Manchesterit
27 April, 2017 @23:04
Pa gola ka përfunduar derbi i Manchesterit ndërmjet Cityt të Pep Guardiolës dhe Unitedit të Jose Mourinhos.
City ka dominuar në pjesën më të madhe të ndeshjes, kryesisht përmes Sergio Agueros shumë të mirë.
Por, David de Gea ka qenë në nivel të lartë të detyrës për të mbrojtur portën e tij dhe të ekipit, për të nxjerrë një pikë të rëndësishme në derbi, duke pasur parasysh edhe mungesat e Djajve të Kuq.
Fundi i ndeshjes gjeti Unitedin me 10 lojtarë në fushë, pas një pamaturie të Marouane Fellainit që morri karton të kuq nga referi i ndeshjes, pasi që goditi Agueron.
