Rashica i uron mirëseardhje Celinës në Holandë

Bersant Celina në stinorin e ri do të luajë për skuadrën holandeze, Twente, ndërsa transferin e tij në Holandë e ka mirëpritur edhe bashkëlojtari i tij në përfaqësuesen e Kosovës, Milot Rashica.

Miloti nëpërmjet llogarisë së tij në Twitter, i ka uruar mirëseardhje Celinës për transferin në Holandë, ndërsa ky i fundit e ka falenderuar atë.

Milot Rashica që nga fillimi i stinorit të kaluar është pjesë e kampionatit holandez me skuadrën e tij Vitesse.

Përveç dyshes Rashica-Celina, në kampionatin holandez do ta shohim edhe futbollistin tjetër që së fundi i tha “Po” Kosovës, Arbër Zenelin, i cili luan me skuadrën Heerenveen.