Real Madrid mbron titullin

Skuadra e Real Madridit nuk ka lënë në dilemë titullin kampion, duke e mposhtur Barcelonën 74-68 në ndeshjen e katërt të serisë finale të PlayOffit spanjoll dhe me 3-1 në seri është rishpallë kampion i Spanjës.

Ngadalë dhe sigurt, drejt titullit

Real festoi në Palau Blaugrana mbrëmë, derisa Barcelona mbetet pa titull kampioni që prej sezonit 2013/14. Ky ka qenë titulli i katërt i madrilenëvë ne 5 sezonet e fundit të ligës ACB të Spanjës.

Ndeshja shkonte ngushtë në rezultat, por pak nga pak, Reali ngriste epërsinë (21-24, 12-13, 14-18 dhe 21-19) për fitore në fund.

Facundo Campazzo ka qenë më efikasi te Reali dhe më i vlefshmi në ndeshje duke marrë edhe trofeun e MVP-së së finaleve.

Argjentinasi shënoi 15 pikë, 9 kërcime e 6 asistime në ndeshjen vendimtare, ndërsa Rudy Fernandez kontribuoi me 12 të tjera.

E 35-ta

Gjashtëmbëdhjetë pikët e Kevin Pangosit dhe 12 të tjera nga Chris Singleton nuk mjaftuan për katalonasit që të dërgojnë serinë më tutje dhe kështu humbën finalen e tretë në 5 vitet e fundit.

Përndryshe, ky ka qenë titulli i 35-të i kampionit për ekipin mbretëror.