Richarlison debuton në Botëror me dygolësh, Brazili bën samba ndaj serbëve

Favoriti i Botërorit të Katarit, Brazili, ka fituar falë golave impresiv të sulmuesit Richarlison, që debutoi në Kampionat Botëror, ndërsa goli i tij i dytë në këtë ndeshje do të mbahet mend gjatë - por edhe do të futet në video-promocionet e shkurtëra për emisione të ndryshme futbolli.

Përkundër mundësive dhe briliancës në disa raste të treguar nga Neymar, Brazili u desht që të mbajë qetësinë derisa shpërtheu Serbinë që mbahej fortë përkundër disa gabimeve të holla në mbrojtje.

Pas golit të parë, kur Richarlison shënoi nga afërsia topin e dëbuar nga Vanja Milinkovic-Savic, që kishte tentuar largimin e shutit të Vini Jr, 11 minuta më vonë erdhi momenti kryesor i ndeshjes.

Vini bëri pasim me të jashtmen, ndërsa Richarlison me kontroll briliant ia përgatiti vetes përfundimin akrobatik, për përfundimtaren Brazili 2-0 Serbia [Richarlison 62, 73].

Lëndimi i Neymarit në ndërkohë, bën Brazilin të jetë në brenga për ndeshjet e radhës derisa të kuptohet serioziteti i lëndimit. Ndërsa në pjesë të dytë Tite provoi edhe gabrielët, Jesusin dhe Martinellin, që treguan se mund të jenë forcë ndihmëse e madhe me lojën e treguar në momentet e mbetura të ndeshjes.