Sa do t’i zgjasë?

Ish futbollisti i Arsenalit dhe West Hamit, Ian Wright, në një analizë të tijën të botuar në The Sun, ka marrë në sy kritik kreun e

Chelseat, Roman Abramovich.

Përveç, parave që po i harxhon ai ka filluar t’ia bëj ëndërr çdo tekniku që një ditë do të mund të kalojë në Chelsea.

E me këtë po e ul reputacionin e klubit si dhe po i djeg letrat e tij. “Ai po sillet sikur një fëmijë në dyqanin më të madh të lodrave në botë. Merre këtë, merre edhe atë, pastaj merre këtë tjetrin…,” ka shkruar Wright, duke e përshkruar sjelljen e Abramovichit me kryetrajnerët e Chelseat.

Ai ndër të tjera ka theksuar se dështimi më i madh deri më tani është heqja e Roberto Di Matteos, pasi që përveç që ia solli bluve të Londrës trofeun më të rëndëisishëm në histori të klubit, ende nuk ka rënë nga gara për titull në të dyja frontet si në Europë ashtu edhe në ligë.

“Situata është jokomfore për një trajner te Chelsea dhe shpresoj që Josep Guardiola të mos vijë asnjëherë këtu, nëse e ka kuptuar lojën që Roman bën me trajnerët,” ka shkruar Wright.

SA I KUSHTUAN ABRAMOVICHIT TRAJNERËT:

Roman Abramovich ka pushkatuar 7 nga 8 kryetrajnerë - që kanë kushtuar 70 milionë funta.

• Korrik 2003 - Korrik 2004/ Claudio Ranieri (ITA)/ 6 mln £;
• Korrik 2004 - Shtator 2007/ Jose Mourinho (POR)/ 18 mln £;
• Shtator 2007 - Maj 2008/ Avram Grant (IZR)/ 5.1 mln £;
• Korrik 2008 - Shkurt 2009/ Felipe Scolari (BRA)/ 12.6 mln £;
• Shkurt 2009 - Qershor 2009/ Guus Hiddink (HOL)/ përfundon kontrata;
• Korrik 2009 - Maj 2011/ Carlo Ancelotti (ITA)/ 28 mln £ (largimi i Ancelottit dhe ardhja e Villas-Boas); 
• Qershor 2011 - Mars 2012/ Andre Villas-Boas (POR)/ 1.5 mln £;
• Mars 2012 - Nëntor 2012/ Roberto Di Matteo (ITA)/ 5 mln £;

(Sqarim: Pas kohëzgjatjes së qëndrimit të trajnerit në muaj e vite dhe emrit të trajnerit vjen shifra që Abramovich i ka paguar trajnerit për largim të parakohshëm. I vetmi që ka dalë me dëshirë të veten dhe nuk ka vazhduar kontratën me Chelsean përkundër kërkesës ka qenë holandezi, Guus Hiddink)