Samiri i dyti, Dardani i katërti

Fundori i Pejës, Samir Shaptahovic, ka arritur që të dalë në vendin e dytë të performuesve të javës në Balkan League, pas fitores së parë të verdhezinjëve jashtë Karagaçit. 

Shaptahovic 32 vjeç ka pasur paraqitje të mrekullueshme në fitoren e Pejës ndaj Levskit në Sofje, që i ngriti ata në vendin e pestë të tabelës së ligës ballkanike. 

Ai ka shënuar 22 pikë, 3 kërcime dhe 6 asistime në fitoren e Pejës, derisa përveç tij edhe Fred House ka arritur të futet në TOP 10, me 18 pikë, 8 kërcime dhe 4 asistime. 

Nga kosovarët tjerë, ka arritur të futet edhe Dardan Berisha, që shkëlqeu në fitoren e Sigal Prishtinës ndaj kampionit, Galil Gilboa, me 33 pikë, 6 kërcime dhe 2 asistime, para K’Zell Wessonit, bashkëlojtarit të tij, që luajti me double-double prej 10 pikëve dhe 14 kërcimeve. 

Lojtari më i mirë i javës është përzgjedhur veterani i Teodos, Savo Djikanovic, që ka shkëlqyer me 38 vjetët e tij ndaj Craiovas rumune me 23 pikë e 10 kërcime. 

Peja dhe Sigal Prishtina kanë arritur fitore të mëdha mbrëmë në kuadër të ligës ballkanike, pasi që skuadrat kosovare kanë mposhtur finalistët e edicionit të kaluar të BIBL. 

Sigal Prishtina udhëheq tabelën e BIBL, derisa Peja është e pesta. 

TOP 10 performancat e javës në Balkan League: