AGRON SELMANI
Selmani: Kemi probleme në mesfushë
26 August, 2017 @21:00
Trajneri i Flamurtarit të Prishtinës, Agron Selmani, ka theksuar edhe njëherë sot se ekipi i tij ka probleme në mesfushë.
Flamurtari pësoi edhe në xhiron e dytë të Superligës, sot nga Prishtina, me rezultat 0-2. Derisa Selmani shpreson që shpejt ekipi të largojë zeron nga tabela e klasifikimit.
“Prishtina ishte më cilësore dhe e fitoi ndeshjen me meritë. Ne kemi probleme në mesfushë dhe kjo u pa edhe sot. Orari nuk na ka favorizuar, kemi ende ndeshje të vështira, por duhet të punojmë shumë dhe shpresoj se do të largojmë zeron nga tabela,” ka thënë Agron Selmani pas ndeshjes.
Flamurtari pësoi në xhiron e parë nga Trepça’89 kampione aktuale, ndërsa këtë xhiro nga nënkampionja Prishtina. Kuqezinjtë e Prishtinës i janë kthyer elitës pas viteve mungesë.
