Shkojmë për rezultat pozitiv

Trajneri i Prishtinës, Fadil Berisha, para ndeshjes ndaj Lirisë ka thënë se ekipi i tij udhëton për rezultat pozitiv në Prizren.

“Si çdo lojë tjetër, edhe kjo është e rëndësishme për Prishtinën. Të gjitha ndeshjet deri në fund të kampionatit do të jenë të rëndësishme, por sidomos kjo në Prizren e ku dy ekipet janë në fund të tabelës dhe pretendojnë t’i ikin barazhit. Do të shkojmë të bëjmë lojë sa më të bukur dhe të nxjerrim një rezultat pozitiv”, ka thënë Berisha për faqen zyrtare të klubit bardhekaltër nga kryeqyteti sot.

Prishtina dhe Liria janë duke luajtur derbin e zonës së Play-Outit dhe tentojnë t’i ikin ndeshjeve të barazhit për mbijetesë.

Ndeshja Liria - Prishtina zhvillohet nesër në “Përparim Thaqi” të Prizrenit me fillim nga ora 15.