DATA DHE ORA
Foto: FIFA
Shorti i “Russia 2018”
15 November, 2017 @10:34
Tashmë pasi që janë bërë të ditura thuajse të gjitha skuadrat e kualifikuara në Kampionatin Botëror “Rusia 2018”, ku aktualisht kanë mbetur edhe 2 vende të lira për të cilat luftojnë Australia-Hondurasi dhe Zelanda e Re - Peru, duhet ditur edhe datën e shortit të fazës së parë të garave grupore në Rusi.
Kështu, më 1 dhjetor 2017, në Moskë, në sallën e koncerteve të Pallatit Kremlin në ora 18:00 do të nis ceremonia e shortit për Botëror.
Ndarja e ekipeve nëpër vazo të shortit do të bëhet sipas renditjes së tetorit 2017 të FIFAs, derisa Rusia si organizatore dhe vendase e turneut, do të jetë në vazon e parë pa marrë parasysh renditjen.
