Fantasy TopSporti
Të gjitha lajmet
Tabelat dhe Rezultatet

SHQIPËRIA 1-0 ANDORRA

Shqipëria kryen kampanjën me pikë rekorde!

Shqipëria kryen kampanjën me pikë rekorde!


15 November, 2021 @22:41

Ka përfunduar kampanja kualifikuese e kuqezinjëve për në Botërorin e Katarit 2022, ndërsa skuadra e drejtuar nga Edy Reja do të mbahet mend si ekipi që ka arritur më së shumti pikë në një kampanjë kualifikuese, qoftë drejt Botëroreve, qoftë evropianeve.

Albania

Shqipëria me fitoren e sontme ndaj Andorrës ka grumbulluar 18 pikë, ndërsa ka shënuar gjashtë fitore në total në grup, duke e befasuar dy herë Hungarinë - për t’i shënuar fitoret e para në histori ndaj këtij reprezentacioni.

TABELA PËRFUNDIMTARE

Sa i përket ndeshjes, Shqipëria e dominoi Andorrën, por goli s’erdhi aspak lehtë. U desht që Myrto Uzuni të nxjerrë një penallti, të cilën në gol e konvertoi Endri Çekiçi, që shënoi për herë të parë në ndeshje zyrtare me fanellën kuqezi dhe përfundimtaren 1-0 [Çekiçi 73].

Albania

Andorra e koncentruar në mbrojtje, ka pasur dy raste tejet të mira, që u mbrojtën nga Thomas Strakosha.

Nga grupi i Shqipërisë, Anglia shkon direkt në Botëror, ndërsa Polonia merr biletën për PlayOff, ku do të tentojë të kalojë dy raundet për të siguruar plasmanin në Katar.


 
Të gjitha lajmet nga Kualifikimet për Botëror