KUQEZINJTË
Shqipëria nesër nis turneun përgatitor
18 August, 2016 @23:49
Basketbollsitët e kombëtares shqiptare nesër do t’ia nisin turneut miqësor në Qipro, ku do të bëjnë testet e para, në rrugë për kualifikime drejt Eurobasket 2017.
Kuqezinjtë drejtohen nga ish-trajneri i Sigal Prishtinës, Antonis Constantinides, që është qipriot, ndërsa ndihmës e kanë Albert Sylejmanin, gjithashtu të Sigal Prishtinës.
Shqipëria do të ndeshet me Qipron, Estoninë dhe Katarin në tre ditët e ardhshme, para se më 31 gusht të nis ciklin kualifikues.
Dyshja e njohur shqiptare që me vite të tëra luajnë në ekipet e basketbollit të Kosovës, Gerti Shima dhe Endrit Hysenagolli, gjithashtu janë pjesë e Shqipërisë.
Shqipëria është në një grup me Gjeorgjinë, Malin e Zi dhe Sllovakinë, për kualifikime në Eurobasket 2017.
ORARI I NDESHJEVE TË SHQIPËRISË:
| 19 gusht 2016 | ora 16 | Shqipëria - Qipro | |
| 20 gusht 2016 | ora 16 | Shqipëria - Estonia | |
| 21 gusht 2016 | ora 18 e 30 | Shqipëria - Katari |
