Silvinho publikon listën e Shqipërisë për ndeshjet e marsit

Lista e parë e përzgjedhësit të ri të Shqipërisë Sylvinho, ndërsa kuqezinjtë do të kenë detyrë të vështirë në ndeshje ndaj Polonisë.

Para pak momentesh selektori i parë brazilian i Shqipërisë ka publikuar ftesat, ndërsa vërehet mungesa e madhe, e pritur e Armando Brojës, që është i lënduar.

Përndryshe, nga lojtarët tjerë, thuajse të gjithë janë të pritur në 23-shen e Sylvinhos.

“Trajneri i Kombëtares shqiptare, Sylvio Mendes Campos Junior ka shpallur sot listën me emrat e 23 lojtarëve që do të grumbullohen për ndeshjen e parë në Kualifikueset e Euro 2024 ndaj Polonisë, që do të luhet më 27 mars 2023. Për premierën e tij kuqezi, tekniku brazilian ka përfshirë disa emra të rinj krahasuar me ndeshjet e fundit si Jon Mersinaj, Andi Hadroj, Jasir Asani, Lindon Selahi dhe Anis Mehmeti. Ndërsa pjesa tjetër është thuajse i njëjti grup që mori pjesë në edicionin e fundit të Ligës së Kombeve me pak ndryshime.” - ka shkruar njoftimi i FSHF-së.

ORARI I TE GJITHA NDESHJEVE

Portierë: Etrit Berisha, Thomas Strakosha, Elhan Kastrati;

Mbrojtës: Elseid Hysaj, Ivan Balliu, Ardian Ismajli, Fred Veseli, Ermir Lenjani, Jon Mersinaj, Marash Kumbulla, Andi Hadroj.

Mesfushorë: Qazim Laçi, Jasir Asani, Kristjan Asllani, Klaus Gjasula, Amir Abrashi, Ylber Ramadani, Lindon Selahi, Nedim Bajrami, Anis Mehmeti.

Sulmues: Sokol Cikalleshi, Myrto Uzuni, Taulant Seferi.