S’ka frikë ndaj Portugalisë

Përzgjedhësi i kombëtares shqiptare, Gianni De Biasi, duke folur për ndeshjet e 7 shtatorit kundër Portugalisë, ka thënë se Shqipëria nuk do t’i frikësohet Portugalisë.

“Ne do të hymë në fushë për të zhvilluar lojën tonë dhe për të marrë rezultat. Ndodh që të gjuash dy herë në portë dhe të shënosh gol, sikurse me Norvegjinë. Sidoqoftë, unë nuk jam tip që tërhiqem, apo kënaqem me pak, prandaj do të kërkoj me të gjitha mënyrat që ta nisim mbarë. Nuk i frikësohemi Portugalisë,” është cituar të ketë thënë italiani 56 vjeç për mediat shqiptare. 

Shqipëria do t’ia nis aventurës kualifikuese për EURO 2016 me Portugalinë në Aveiro më 7 shtator. De Biasi ka ftuar këta lojtarë për këtë ndeshje, derisa muajin tjetër në Elbasan kuqezinjtë presin Danimarkën, para udhëtimit në Beograd.