Skënderbeu në Qemal Stafë

Më 6 gusht stadiumi i Qemal Stafës në Tiranë do të jetë shtëpia e skuadrës korçare, Skënderbeu. Kjo për arsye se Skënderbeu është kualifikuar në xhiro e tretë të kualifikimeve për Ligën e Kampionëve dhe për ndeshjen e kësaj xhiroje kundër ekipit Shakhter Karagandy stadiumi i qytetit në Korçë nuk i plotëson kriteret e UEFA-së.

“Regjistrimi është bërë që para fillimit të ndeshjeve të turit të dytë. Asnjë stadium në Shqipëri nuk i plotëson kriteret e UEFA-s, si për turin e tretë në Ligën e Kampioneve, ashtu edhe në Ligën e Europës. Edhe ‘Qemal Stafa’ nuk i plotëson këto kritere, por në këtë rast UEFA ka bërë një tolerim, duke qenë se Shqipëria nuk ka stadium tjetër. Ndeshja mund të luhej edhe në Shkup. Nëse Skënderbeu apo Kukësi e kalojnë edhe turin e tretë, atëherë në fazën ‘playoff’ nuk bëhet fjalë që takimet të luhen në Shqipëri,” ka thënë një burim zyrtar i FSHF-së për gazetën Panorama Sport.

Kampioni aktual i Shqipërisë ndeshjen e parë me ekipin Shakhter Karagandy do ta luajë me 30 korrik në kryeqytetin e Kazakistanit, derisa një javë më pas do të luhet ndeshje e kthimit.

Skënderbeu në xhiron e tretë të Ligës së Kampionëve ishte kualifikuar duke e mposhtur me rezultat 1-0 skuadrën nga Azerbajxhani, Neftçi, me golin e nigerianit Nurudeen Orelesi në minutën e 26’ të lojës shtesë.