Skënderbeut i ik fitorja, por shpreson në Europa Ligë

Një gol i pafat i pësuar nga Skënderbeu, në minutën e katërt shtesë të ndeshjes, i ka dhënë barazimin Dinamos në përballje me Skënderbeun shumë të mirë në Maksimir.

Korçarët avancuan në pjesë të parë me golin e Liridon Latifit, që morri një top nga Enis Gavazaj për të shënuar golin e rëndësishëm si mysafir.

Gjithsesi, Dinamoja pati rastet e veta, por mungesa e sulmuesit kryesor El Arabi Soudani ndikoi në lojën e tyre, që u shfrytëzua maksimalisht nga Skënderbeu, edhepse nuk shënoi më tej.

Skënderbeu në përgjithësi ka bërë lojë më konkrete sesa Dinamoja, ndërsa tashmë të gjitha shpresat për të arritur për herë të dytë në fazën grupore të Europa Ligës i mbeten korçarëve të drejtuar nga Ilir Daja në Elbasan Arena, një javë më vonë.