MEDIA
Pamje nga ndeshja e vjeshtës Drenica-Prishtina/ Foto: prishtinafc.com
Statistika para ndeshjes: Prishtina-Drenica
Statistikat: prishtinafc.com
2 March, 2017 @11:53
Para duelit të fundjavës që Prishtina e ka në cilësinë e vendases ndaj Drenicës, faqja zyrtare e bardhekaltërve ka publikuar statistika interesante nga përballjet e këtyre 2 skuadrave pasluftës.
-Në ndeshjen e fundit të zhvilluar në vjeshtë në Skenderaj, takimi ishte mbyllur pa gola, 0:0. Por, edhe ndeshjen e parafundit po në Skenderaj ka fituar Prishtina 1:0 (Dren Gashi 90’). Por, në dhjetë ndeshjet e fundit, Drenica ka bilanc më pozitiv, prej 5 fitoresh, 2 barazime dhe vetëm tre fitore të Prishtinës.
-Nga 43 ndeshje zyrtare, kuptohet, Prishtina ka larg bilanc më të mirë prej 20 fitoresh, 9 barazime dhe 14 fitore të kuqezinjve me goldallim +20 për bardhekaltrit, 63:43.
-Drenica ka një bilanc kundër Prishtinës që nuk e ka askush. I ka shënuar më shumë gola bardhekaltërve në Prishtinë (22) se sa në fushën e vet (21).
-Në Skenderaj, nga 21 ndeshje, vendasit kanë 10 fitore, 6 barazime dhe 5 Prishtina, me +5 për Drenicën, 21:16.
-Në Prishtinë, nga 22 ndeshje zyrtare, bardhekaltrit kanë 14 fitore, 3 barazime dhe 4 fitore të Drenicës me+25 për bardhekaltrit, 47:22.
-Prishtina fitoren më të thellë kampionale pas luftës e ka me Drenicën, 7:0 më 27.04.2003 (Sheremet Isufi 12’, 66’, 73’, Arsim Plepolli 14’, 44’, Besnik Kollari 52’, Jeton Gashi 86’).
Ndeshja Prishtina-Drenica zhvillohet nesër (e premte, 3 mars 2017 me fillim në ora 13:00)
