Swansea feston në ‘Anfield Road’

Pas dy barazimeve radhazi në Premier League, Liverpooli ka lëshuar pikë edhe në ndeshjen e tretë me radhë në Premier League.

Këtë xhiro skuadra e gjermanit Klopp u mposht nga vendi i fundit në tabelë, Swansea, në një takim që dhuroi një pjesë të dytë fantastike. Pjesa e parë u mbyll me Liverpoolin dominant në posedim, mirëpo me asnjë goditje të vetme në portë, e në anën tjetër Swansea në këtë pjesë rrezikoi vetëm një herë duke e goditur shtyllën.

Pjesa e dytë filloi vrullshëm, me mysafirët që shënuan dy herë përmes spanjollit të mirënjohur, Fernando Llorente. ‘Të Kuqtë’ u rikthyen në lojë me dy golat e brazilianit Roberto Firmino, mirëpo kur u mendua se do të vinte goli i fitores pas sulmeve të njëpasnjëshme, ndryshe mendoi islandezi Sigurdsson, i cili shfrytëzoi një dekoncentrim të mbrojtjes vendase dhe shënoi për 2-3.

Kjo ishte humbja e parë për Liverpoolin në shtëpi sivjet, humbje e cila përveç që e ‘zbraps’ në garën për titull, ia rrezikon edhe vendin e tretë. Ndërkaq për Swansean kjo fitore ishte tejet e rëndësishme, marrë parasysh luftën e ashpër për mbijetesë që po zhvillohet në ishull.

TABELA AKTUALE PREMIER LEAGUE

All Goals & highlights - Liverpool 2-3 Swansea… by mohtv