TEUTA - TIRANA
Foto: KBTeuta/fb
Teuta fiton derbin në fund
10 March, 2019 @22:47
Ndeshja derbi e Superligës së Shqipërisë në basketboll zhvilluar sonte në Ramaza Njala të Durrësit ka përfunduar me fitoren e Teutës ndaj Tiranës, me një pikë dallim, 85-84 [20-13, 14-20, 16-19 dhe 25-22].
Më efikasi te Teuta në fitore sonte ka qenë amerikani CJ Wilson me 27 pikë, ndërsa Endrit Hysenagolli me 16 pikë e Gent Lasku me 15 të tjera kanë qenë basketbollistët tjerë që kanë shënuar pikë dyshifrore në fitore.
Te Tirana nuk kanë mjaftuar 24 pikët e Bruno Daliut për të rrëmbyer fitoren pranë detit.
Pas kësaj ndeshjeje, Teuta ka bilanc 11-4 ndërsa Tirana 7-8. Lidere e Superligës shqiptare mbetet Goga Basket, me bilanc 12-3.
