Thaqi: Neglizhuam dhe nënçmuam kundërshtarin

Kryetrajneri i Prishtinës, Arsim Thaqi, në deklaratën e tij pas ndeshjes së sotme të fituar me mjaft vështirësi ndaj Hajvalisë ka thënë se ekipi i tij neglizhoi lojën dhe nënçmoi kundërshtarin.

RAPORTI I NDESHJES DHE FORMACIONET

“Ne duhet përmirësuar, Prishtina si klub i madh din të reagoj ndryshe me klubet tjera, kurse në ndeshje si këto, ne e neglizhuam lojën dhe e nënçmuam kundërshtarin. Mos realizimi i rasteve sikur na vuri në presion, por sidoqoftë ne e kemi kontrolluar lojën dhe jam i kënaqur me fitoren, por jo me lojën jobindëse,” ka thënë ai për faqen zyrtare të ekipit të tij.

TABELA AKTUALE E SUPERLIGËS

Kjo ka qenë fitorja e katërt për Arsim Thaqin në 4 ndeshje të zhvilluara prej se u bë trajner i ekipit bardhekaltër.