Abrashi për Kicker, Freiburg pranë garave europiane

Skuadra e Freiburgut është në rrugë të mirë për të siguruar garat europiane me paraqitjet e këtij stinori në Bundesligë, ndërsa prestigjiozja gjermane Kicker, ka zgjedhur mesfushorin shqiptar të ekipit për pyetur më shumë.

“Sikurse në ndeshjen e kaluar ndaj Mainzit që e fituam 1-0,” ka thënë Amir Abrashi për Kicker, duke treguar rezultatin që do ta donin para ndeshjes së radhës ndaj Leipzigut në formë, që në tre ndeshjet e fundit ka radhitur fitoret dhe po kërkon për herë të parë në histori, Ligën e Kampionëve.

Freiburg është mysafir i Leipzigut të shtunën në ndeshjen që nis në ora 15e30. Abrashi është ndër lojtarët standard të ekipit, edhepse këtë stinor ka luajtur 17 nga 28 xhiro të deritashme.

“Janë edhe 6 ndeshje. Po shikojmë të arrijmë më të mirën nga ndeshja në ndeshje,” ka shtuar mesfushori i palodhshëm 27 vjeçar i ekipit, Abrashi.

Abrashi ka qenë startues në 13 ndeshje nga 17 sa i ka zhvilluar për Freiburgun këtë stinor në Bundesligë, ndërsa ka shënuar edhe një gol në Bundesligë, që ka qenë i pari për të në karrierë.

Freiburg është aktualisht i gjashtë në Bundesligë, me një pikë më shumë se Kolni. Pas Leipzigut ata presin Leverkusenin, i shkojnë Darmstadit, e presin Schalken, ndërsa udhëtimin e fundit e kanë në “Allianz Arena” ku ndaj Bayernit e përfundojnë stinorin.