Tovërlani fton 22 futbollistë për duelin ndaj Izraelit

Përzgjedhësi i Kombëtares së Kosovës U21, Afrim Tovërlani e ka publikuar listën e futbollistëve që do t’i ketë në dispozicion për ndeshjen e radhës në kuadër të kualifikimeve për Euro 2025.

Kosova do të luajë si mysafire kundër Izraelit, më 10 shtator, në Gyor të Hungarisë, në orën 19:00.

Stërvitjen e parë në kuadër të këtij grumbullimi të përzgjedhurit e Tovërlanit do ta kenë më 2 shtator, në orën 15:00, në Kampin Nacional në Hajvali.

Pas 7 ndeshjeve të zhvilluara Dardanët U21 kanë 9 pikë në pozitën e katërt në Grupin D, tri më pak se Bullgaria e vendit të tretë, teksa në dy vendet e para janë Gjermania, me 16 pikë dhe Polonia, me 15 pikë.

LISTA E KOSOVËS U-21

PORTIERË: Mustafë Abdullahu, Leo Besson, Egzon Lekaj;

MBROJTËS: Yll Ibrahimi, Florian Haxha, Diar Vokrri, Valton Behrami, Andi Hoti, Ardi Ajdini, Arbnor Hasani, Amar Gërxhaliu;

MESFUSHORË dhe SULMUES: Lulzim Peci, Altin Kryeziu, Redon Ismaili, Etnik Brruti, Milot Avdyli, Oltion Bilalli, Elvir Gashijani, Veton Tusha, Ardit Tahiri, Fatjon Bunjaku, Arian Llugiqi.