Kosova arrin në pozitën më të mirë ndonjëherë

Përfaqësuesja e Kosovës mbyll vitin në pozitën më të mirë ndonjëherë në histori të saj prej se është pranuar në FIFA dhe UEFA. Pas tre ndeshjeve të zhvilluara në nëntor, ku i mori tre rezultatet e mundshme, fitore ndaj Izraelit, barazim ndaj Zvicrës dhe humbje ndaj Bjellorusisë, Kosova ka arritur në pozitën 101 të renditjes mujore të FIFA-së, që e bën këtë arritje më të madhe ndonjëherë për Dardanët.

Kosova asnjëherë më parë nuk ka qenë kaq lart në renditjen e FIFAs, ndërsa ka shënuar ngritje të vazhdueshme prej shtatorit 2023, ku ka qenë në pozitën 111, për të arritur në tetor në pozitën 105 dhe tash në 101.