ZYRTARE
Trepça përforcohet me amerikanin që ka përvojë nga Euroleague
30 December, 2020 @21:59
Skuadra më në krizë të rezultateve në Superligë, Trepça, ka bërë një lëvizje të rëndësishme duke e përforcuar përbërjen e saj me basketbollistin amerikan me përvojë që luan në pozitën e organizatorit, Erving Walker.
Lajmin e transferit të lojtarit e bëri publike faqja zyrtare e Trepçës.
Walker është 30 vjeçar dhe ka përvojë në ligën më të fortë në Europë, Euroleague, duke luajtur për skuadrën Stelmet ZG nga Polonia gjatë stinorit 2013/14, ku ka pasur mesatare prej 5.8 pikëve në 10 ndeshje të zhvilluara.
Ai gjithashtu ka përvojë edhe në Eurocup dhe ligat elite të Turqisë e të Francës, pasi ka luajtur në skuadrat si Dijon Basket, Buyukçekmece, Strasbourg, Pinar Karsiyaka, derisa së fundi ka qenë pjesë e kampionatit egjiptian me skuadrën Al Zamalek.
Kujtojmë se Trepça ditë më parë kishte zyrtarizuar edhe një tjetër basketbollist amerikan.
