SONTE
Foto: KB Peja/ Korniza
Trepça pret Pejën sonte
11 January, 2017 @10:34
Dueli i parë ndërmjet Trepçës dhe Pejës në gara ndërkombëtare do të zhvillohet sonte në “Minatori” të Mitrovicës, ku ekipi mitrovicas pret atë pejan në kuadër të Grupit B të BIBL.
Trepça ditë më parë siguroi vazhdimin e garave në BIBL pas pagesës së borxhit prej 6 mijë e 500 eurove ndaj ligës.
Ndeshja Trepça-Peja është dashur të zhvillohet në xhiron e IV të BIBL, por për shkak të angazhimit të Pejës në kuadër të FIBA Europe Cup, u shty.
Peja aktualisht ka bilanc 4-3 në Grupin B, ndërsa Trepça 3-4. Për të dyja skuadrat kjo do të jetë ndeshja e parë për vitin 2017.
Ndeshja luhet më 11 janar 2017 dhe nis në ora 19:00.
