WATFORD - UNITED
United fiton dhe vazhdon ndjekjen e kreut
28 November, 2017 @22:57
Pas fitores ndaj Brightonit, United sonte ka shënuar fitore në takimin e luajtur ndaj Watfordit në ‘Vicarage Road’.
‘Djajtë e Kuq’ zhvilluan një pjesë të parë fenomenale, të cilën e mbyllën 0-3, ndërsa kjo epërsi mund të thellohej edhe më tepër në pjesën e dytë, sikur rastet e krijuara nga 20-herë kampioni anglez të shfrytëzoheshin më mirë. Kjo mund t’i kushtonte skuadrës së drejtuar nga Jose Mourinho, me Watfordin që shënoi 2 herë dhe e ngushtoi epërsinë në 2-3, mirëpo ‘momentumin’ e vendasve e ndali Jesse Lingard, i cili me një solo-aksion shënoi për 2-4 dhe i dha fund ndeshjes.
Kjo fitore e afron Manchester Unitedin në 5 pikë me kreun e klasifikimit, që i takon Cityt, ndërsa skuadra tjetër e qytetit të Manchesterit ndeshjen e vet e zhvillon nesër.
