Liridon Fetahaj mbyll vitin

Sot Prishtina e fitoi ndeshjen kundër Gjilanit 2-1, por e humbi njërin ndër lojtarët kyç të skuadrës, Liridon Fetahajn.

Fetahaj në një bisedë eksklusive me Borozani.com, ka thënë se do t’i mungojë skuadrës për shkak të lëndimit:

“Gjatë karrierës sime, për herë të parë e provova këtë lëndim, i lëndova ligamentet e gjurit, së paku 2 deri 3 muaj do të jem jashtë fushës” ka thënë Liridoni.

TABELA AKTUALE

Liridoni u lëndua në minutën e 19-të sot kundër Gjilanit për shkak të terrenit jo të përshtatshëm që ishte i rrëshqitshëm, derisa u detyrua që të largohet nga fusha, e në vend të tij hyri Mërgim Pefqeli.

Ai ka bërë të ditur gjithashu se do të bëhet edhe një rezonancë magnetike gjatë ditëve në vijim për të kuptuar shkallën e lëndimit dhe konfirmimin e mungesës.