BKT SUPERLIGA
Urimi shuan Dritën
18 November, 2012 @21:05
Bashkimi ka arritur të mposht Dritën e Gjilanit me 25 pikë epërsi duke arritur pikë treshifrore të shënuara, 100 – 75.
Prizrenasit edhe pse ia nisën mirë takimit (14-7, pesëminutëëshi i parë), Drita arriti të dalë në epërsi me anë të lojës së mirë të amerikanit Devin Chambers dhe Ukshin Demit (21-25).
Mirëpo, në pjesën e dytë Bashkimi luajti rrëmbyeshëm duke ngritur epërsinë ndaj ekipit të Gyltekin Selimit.
Urim Zenelaj (11 pikë) ka befasuar të gjithë shikuesit me lojën e tij sot ku ka bërë 11 bllokada duke e ndalur totalisht amerikanin Laurence Donelson si dhe duke i kontribuuar mbrojtjes së tij.
Me këtë fitore Bashkimi ka tani 6 fitore dhe 3 humbje të regjistruara, derisa Drita mbetet në 1 fitore dhe 8 humbje.
Dustin Mitchell ishte përsëri koshashënuesi më i mirë te prizrenasit me 23 pikë, i përcjellë nga Phil Brooks me 18 dhe Elvan Iljazi me 15 pikë.
Sonte për Bashkimin debutoi edhe Mustafë Merovci i cili tregoi një lojë shumë të mirë gjatë çerekut të dytë. Te Drita, Devin Chambers ishte më i miri me 26 pikë, ndërsa Ukshin Demi kontribuoi me 24 sosh.
