Vëllaznimi e Drita në disciplinore

Skuadrës së Vëllaznimit dhe Dritës i është inicuar procedura disciplinore nga KG i FFK-së.

Mëposhtë, lexoni të plotë arsyen e inicimit të procedurës, botuar në faqen zyrtare të FFK-së. 

“1.Ndaj KF “Vëllaznimi” (motivi-fyerje e sharje në kor nga ana e tifozerisë vendase drejtuar kryetarit të FFK-së, z.F.Vokrri në ndeshjen KF Vëllaznimi – KF Gjilani, e zhvilluar në Gjakovë më datë 17.11.2017) sipas raportit të personave zyrtarë të ndeshjes. Komisioni i Garave kërkon që brenda 24.00 orëve klubi i lartëpërmendur të deponojë në FFK deklaratën sipas nenit 28 të Rregullores së Garave dhe nenit 97 të Rregullores Disiplinore.” - për KF Vëllaznimi.

“2.Ndaj KF ”Drita” (motivi-lëshim në organizimin e ndeshjes ku ka pasur hedhje të gurëve e nga ana e tifozerisë vendase në drejtim të tifozerisë mysafire ku edhe të njëjtit kanë hyrë në fushë për të qëruar hesapet me tifozerinë mysafire “Arpagjiket” ku pas përfundimit të ndeshjes u janë thyer xhamat e autobusit në ndeshjen KF Drita – KF Liria, e zhvilluar në Gjilan me datë 18.11.2017) sipas raportit të personave zyrtarë të ndeshjes. Komisioni i Garave kërkon që brenda 24.00 orëve klubi i lartëpërmendur të deponojë në FFK deklaratën sipas nenit 28 të Rregullores së Garave dhe nenit 97 të Rregullores Disiplinore.” - për KF Drita.

Ndërkaq, prej lojtarëve në disciplinore është futur futbollisti i Lirisë, Rroni Gashi.

“3.Ndaj lojtarit të KF “Liria” Rroni Gashi me nr lic 20 dhe nr ID 000181M98 (motivi – shtyerje e referit kryesor të ndeshjes KF Drita – KF Liria në min 90+) sipas raportit të personave zyrtarë të ndeshjes. Komisioni i Garave kërkon që brenda 24.00 orëve i lartëpërmenduri të deponojë në FFK deklaratën sipas nenit 28 të Rregullores së Garave dhe nenit 97 të Rregullores Disiplinore.”