Shënon edhe Mërgim Berisha

Pas Valon Berishës që ka shënuar nga penalltia dhe ka asistuar në golin e parë për Fredrik Gulbrandsen në fitoren e Red Bull Salzburg, në elitën e futbollit austriak ka pasur edhe zhvillime tjera.

Skuadra e mesfushorit kosovar kishte mposhtur me rezultat 5-0, Sturmin e Grazit duke u marr epërsinë në renditje të Tipico Bundesligas austriake. Salzburg prin me 34 pikë, dy më shumë se të gjelbërit.

Në duelin e dy Berishave tjerë, Rapidi i Vjenës u tregua më i suksesshëm se LASK, duke marr fitoren 2-1 si mysafir në Linz. Veton Berisha kaloi 90 minuta në fushë për Rapidin, derisa Mërgim Berisha vazhdoi serinë e golave për LASK. Nëntëmbëdhjetë vjeçari i huazuar nga Salzburg, shënoi golin e vetëm për vendasit, pas dy-golëshit të shënuar në fitoren ndaj Altach në xhiron e kaluar. Ishte ky goli i parë i pranuar nga Rapid pas 519 minutave lojë.

Në pikën e katërt të sezonit për St. Polten, pas barazimit pa gola ndaj WAC, mbrojtësi i Maqedonisë, Eldis Bajrami zhvilloi 90 minuta.