Veseli zëvendësues i Canës!

Mbrojtësi i kombëtares shqiptare, Frederic Veseli, në konferencën e sotme për shtyp para miqësores ndaj Bosnje e Hercegovinës ka thënë se është shumë vështirë të zëvendësohet Lorik Cana, legjenda e kombëtares.

“Cana mund të zëvendësohet në ndeshje, por statusi i tij në kombëtare mbetet i përhershëm. Asnjëri s’mund të jemi si ai. Sidoqoftë, qëllimi im nuk është zëvendësimi i Lorikut, por ta bëj vendim tim dhe karrierën time. Ai mbetet legjendë e futbollit shqiptar,” ka thënë Veseli në konferencë për shtyp sot.

“Shpresoj të jem në fushë edhe ndaj Bosnjes, pas ndeshjes me Italinë, por vendos trajneri. Unë jam në dispozicion për vendin tim gjithmonë. Për këtë punë jam këtu. Do të jem i kënaqur nëse luaj, por edhe nëse nuk luaj!” shton mbrojtësi i Empolit.

Veseli luajti 90 minuta ndaj Italisë dhe u ndëshkua me karton të verdhë në minutën e 79-të të ndeshjes.