Xhaka: Kosova është e fortë

Njëri ndër mesfushorët më të dalluar të kombëtares shqiptare, Taulant Xhaka, që luan te Baseli në elitën zvicerane ka thënë se njeh shumicën e lojtarëve të reprezentacionit të Kosovës dhe kjo është një përfaqësuese e fortë. 

“I njoh disa lojtarë dhe i di cilësitë e tyre. Kosova ka një ekip të fortë. Nesër do të jetë një ndeshje shumë e veçantë për të gjithë dhe pres që publiku të kënaqet,” ka thënë Xhaka për mikrofonin e RTK-së para ndeshjes. 

Xhaka njihet si motor i përfaqësueses shqiptare i cili nuk dihet të ketë harxhuar ndonjëherë energjinë e tij që nuk shterret në lojë. 

Për më tepër ai ka bërë të ditur se vëllai i tij, Granit Xhaka, nuk do të mund të jetë në ndeshje për shkak se ka obligime me kombëtaren zvicerane, por do ta shikoj ndeshjen nga televizioni.