SUPERLIGA
Xhiroja e 20 hapet me dy ndeshje
15 January, 2020 @9:20
Xhiroja e 20 në Superligën e Kosovës në basketboll, sot hapet me dy ndeshje.
Lipjani do të përballlet me Yllin në ora 17:00, kurse Prishtina e pret Prizrenin nga ora 19:00.
Skuadra e Lipjanit në xhiron e kaluar duke e mposhtur Bashkimin e regjistroi fitoren e parë të sezonës, derisa edhe Ylli e mposhti Feronikelin.
Prishtina për herë të tretë u mposht nga Rahoveci, kurse Prizreni arriti të triumfojë kundër Pejës në xhiron e kaluar.
Lipjani gjendet në pozitën e fundit me 1 fitore e 16 humbje, derisa Ylli me 11 fitore e 6 humbje gjendet në pozitën e tretë. Prishtina me 13 fitore e 4 humbje është në krye të tabelës, kurse Prizreni me 10 fitore e 7 humbje aktlualisht gjendet në pozitën e pestë.