Zalgiris “më i gjelbër” sesa Panathinaikosi

Në duelin e ekipeve të gjelbëra në Euroleague, Zalgris nuk ka lëshuar epërsinë e terrenit vendas dhe publikut të zjarrtë për të shënuar fitore ndaj Panathinaikosit.

Ekipi që drejtohet nga ish basketbollisti i famshëm lituanez Sarunas Jasikevicius, ka mposhtur 82-69 [13-19, 20-18, 19-14 dhe 30-18] Panathinaikosin e Rick Pitinos.

Më efikasi në këtë fitore të litaunezve [8-11] ka qenë Aaron White me 15 pikë të shënuara, ndërsa 13 të tjera i ka shtuar Marius Grigonis.

TABELA AKTUALE

Te ekipi grek 14 pikët e Deshaun Thomasit nuk kanë mjaftuar për të ndalë ekipin nga humbja e 11 e stinorit.

Tash të dyja skuadrat kanë bilanc të njëjtë, 8-11, ndërsa për shkak të koshdallimit më të mirë, Zalgiris ka kaluar mbi Panathinaikosin në klasifikim.