EDHE NJË SHQIPTAR NË ITALI
Berat Xhimshiti (6) në debutimin e tij Danimarka - Shqipëria/ BOROZANI/ D.S.
Zyrtarizohet Xhimshiti
18 January, 2016 @15:00
Pas Elseid Hysajt dhe Arlind Ajetit, tashmë edhe një mbrojtës i kombëtares shqiptare është zyrtarizuar në Serie A.
Berat Xhimshiti ka kaluar në Atalanta edhe zyrtarisht, ka bërë të ditur klubi italian pak më parë.
“Ai ka zhvilluar 110 ndeshje në Superligën zvicerane, duke shënuar 5 gola. Ai ka regjistruar 11 ndeshje dhe 1 gol edhe në gara europiane, përkatësisht në Europa League,” ka bërë të ditur njoftimi i klubit italian sot.
Xhimshiti ka debutuar për Shqipërinë më 4 shtator 2015 në ndeshje ndaj Danimarkës dhe prej asaj kohe është lojtar standard i Gianni De Biasit.
“Ai do të vesh fanellën me numrin 55 te ekipi i Atalantës,” ka shkruar në fund njoftimi. Rroga e Xhimshitit besohet të shkojë deri në 250 mijë euro për stinor, ndërsa ka nënshkruar kontratë 3 vjeçare me ekipin nga Bergamo.
