ISLANDA
A do të vazhdojë?
27 October, 2015 @14:56
Islanda, shteti ishull që sikurse Shqipëria për herë të parë në histori të futbollit kombëtar kualifikohet në një ngjarje të madhe, Kampionat Europian, ka telashe me trajnerin suedez Lars Lagerback.
Mediat në këtë vend përkundër përgatitjeve për Europian dhe miqësoreve të aranzhuara në nëntor ndaj Polonisë dhe Sllovakisë, më shumë flasin për të ardhmen e suedezit që arriti suksesin historik me këtë vend.
Lagerbackut i përfundon kontrata me Islandën pas EURO 2016, derisa ndihmësi i tij Heimir Hallgrimsson ka kontratë deri në fund të Botërorit Rusia 2018.
“Nuk ka ndonjë ndërrim në kontratë. Unë do të vazhdojë punën deri në përfundim të saj. Detaje tjera nuk ka. Nuk e di se çka do të ndodh në të ardhmen,” ka thënë Lagerback për mediat e atjeshme.
TABELA E GRUPEVE PËR EURO 2016
Islanda ka dalë nga Grupi A me kualifikim direkt për në EURO 2016, duke i lënë pas përfaqësueset e njohura si Turqia (e treta në Grupin A, kualifikuar) dhe Holanda (e katërta në Grupin A, e eliminuar).