Abrashi transferohet në Gjermani

Skuadra e cila nuk arriti të mbijetojë sivjet në Bundesligë, Freiburg, në stinorin e ardhshëm do të mundohet të rikthehet në elitë së bashku me ndihmën e mesfushorit shqiptar, Amir Abrashi.

Ekipi gjerman, sot ka zyrtarizuar 25 vjeçarin si përforcim të ri, me të cilin është nënshkruar kontratë 3 vjeçare.

Abrashi është pjesë e skuadrës zvicerane Grasshoppers që nga viti 2011, ndërsa sivjet ka regjistuar 26 paraqitje në Superligën zvicerane dhe ka shënuar 2 gola e 5 asistime.

Pjesë e ekipit të ri të Abrashit, sivjet ka qenë edhe sulmuesi shqiptar me nënshtetësi zvicerane, Admir Mehmedi.