Të fundit, nga finalja e madhe

Të shtunën me fillim në ora 20:45 në Berlin luhet finalja e Ligës së Kampionëve ndërmjet Juventusit dhe Barcelonës. 

Ndër njoftimet e fundit nga taboret e të dyja skuadrave kemi përzgjedhur këto, në interes të të dyja skuadrave.

JUVENTUS 

Andrea Barzagli është në dyshim për paraqitje në finale. Qendërmbrojtësi italian është duke vuajtur nga një lëndim të marrë në ndeshje me Napolin më 23 maj dhe vështirë se do të mund të bëhet gati për finale, raporton Foot Italia. 

“Shpresoj të ai të jetë në kulm të formës së tij në Berlin,” ka thënë Massimiliano Allegri për mesfushorin francez të ekipit, Paul Pogba, që është kthyer nga lëndimi dhe është në përparim e sipër për të gjetur formën e tij më të mirë. 

Alvaro Morata është në formën më të mirë fizike. Vetë sulmuesi spanjoll i Juventusit ka bërë të ditur këtë në një prononcim për uefa.com. 

Roberto Pereyra, edhe pse nuk pritet të nis ndeshjen finale, forma e tij tepër e mirë në ndeshjet e fundit të Serie A-së, bëjnë mediat botërore që të rrezikojnë duke e futur atë në formacionin bazë të Bianconerëve.

BARCELONA

Te ekipi katalonas nuk ka të lënduar nga lojtarët standard të skuadrës. 

Andres Iniesta që pritet të fillojë ndeshjen mund të barazojë Clarence Seedorfin si lojtar i vetëm që ka fituar katër herë Ligën e Kampionëve. 

Luis Suarez mezi pret finalen e parë të madhe europiane, derisa asistimi i tij në finale të Copa del Rey për golin e Neymarit, jep shpresa për formë të mirë të uruguajanit. 

“Shpresoj të ndahem me trofe nga ekipi,” ka thënë mesfushori metronomik i Barcelonës, Xavi Hernandez, që pret trofeun e 25-të me klubin e tij të fëmijërisë, para se të shkojë në Al Sadd. 

Nëse Lionel Messi shënon gol në finale të Ligës së Kampionëve, do të bëhet futbollisti i parë në botë që ka arritur të shënojë në tre finale të Ligës së Kampionëve. 

Kroati Ivan Rakitic gjithashtu pritet të fillojë duelin nga fillimi. Ai stinorin e kaluar fitoi Europa League derisa ishte pjesë e Sevillës. 

“E vërtetë, por kjo finale është krejt tjetër. Do të koncentrohem maksimalisht në përgatitje pa menduar ndeshjen,” ka thënë kroati për mediat katalonase, sot.

FORMACIONET E MUNDSHME: