Ferronikeli kampion!

Gani Sejdiu ka bërë punë të madhe me Ferronikelin këtë stinor. 

Trajneri mitrovicas ka tejkaluar pritjet fillestare të klubit dhe tashmë ata janë një pikë larg titullit kampion. 

“Si e shoh Ferronikelin? Ta them të drejtën, e shoh kampion. Nuk kam si ta shoh tjetër. I pari jam unë që duhet ta shoh kështu, e pastaj futbollistët dhe të gjithë të tjerët,” është cituar të ketë thënë Sejdiu për ditoren Zëri sot. 

Ferronikeli do të luaj ndeshjen e fundit të stinorit ndaj Prishtinës dhe i duhet një pikë e vetme për tu shpallë kampion. 

Ferronikeli është aktualisht edhe në gjysmëfinale të Kupës së Kosovës, derisa është mbrojtës i trofeut të Kupës. 

Fitimi potencial i titullit nga ana e Ferronikelit, do të ishte i pari në historinë 41 vjeçare të klubit.