FIFA RANKING
Fotografia e përbashkët e Kosovës para duelit të parë të pranuar nga FIFA e UEFA ndaj Ishujve Faroe, 2-0.
Afër 100-shes
13 July, 2016 @12:14
Nga 205 shtete në renditjen e FIFA-së, Kosova pritet që të kap prej vendit 100-120 pas fitores ndaj Ishujve Faroe në qershor të vitit 2016, në publikimin që do të bëhet nesër nga FIFA, nëse nuk ka ndonjë lëvizje të madhe të shteteve tjera nën pozitën e 100-të gjatë qershorit.
Kosova për herë të parë do të jetë prezente në këtë listë prej se u pranua me të drejta të plota nga FIFA dhe nga qershori çdo miqësore dhe ndeshje zyrtare kualifikuese e Kosovës do të llogaritet në këtë renditje - që përcakton edhe vazot për kualifikime të ardhshme ku do të mirret pjesë.
Ishujt Faroe kanë qenë në pozitën e 89-të të renditjes së FIFA-së, në publikimin e qershorit dhe Kosova sipas llogarisë në sistemin e FIFA-së do të merr 69.67 pikë, që e afron në TOP 100 të botës së futbollit nga 205 vende anëtare të FIFA-së.
