CAMP NOU
Barça zyrtarizon Umtitin
12 July, 2016 @15:23
Përmes një njoftimi në faqen zyrtare, Barcelona ka zyrtarizuar sot si lojtar të ri të saj reprezentuesin francez, Samuel Umtiti.
Umtiti 22 vjeç që mund të luajë në disa pozita në mbrojtje, ka origjinë kamerunase dhe i është bashkuar radhëve të Barcelonës pas viteve të kaluara te Olympique Lyon.
Umtiti ka qenë pjesë e Francës në EURO2016. Ai ka fituar titullin e kampionit të Botës me Francën U-20, ndërsa në Ligue 1 ka debutuar në stinorin 2011/12 dhe ka regjistruar 170 paraqitje për ekipin nga Lyoni.
Në EURO 2016 mbrojtësi francez është paraqitur në duele ndaj Islandës, Gjermanisë dhe Portugalisë.
