Agjenda e Turqisë për ndeshjen me Kosovën

Përfaqësuesja e Turqisë është kundërshtarja e Kosovës më 12 nëntor.

Dy shtetet do të përballen me njëri tjetrin për herë të dytë në histori, duke luajtur në qytetin e Antalyas.

Përfaqësuesja e Turqisë tashmë e ka publikuar agjendën e saj, ndërsa në ndërkohë pritet edhe publikimi i listës së lojtarëve.

Kështu, ekipi turk do të udhëtojë më 7 nëntor në Antalya, ku do të akomodohet në hotelin “Regnum Carya Golf & Spa Resport” në Belek.

Të gjitha përgatitjet për ndeshjen me Kosovën, turqit do t’i zhvillojnë në këtë vend.

Një ditë para ndeshjes, përzgjedhësi Fatih Termin dhe një futbollist do të marrin pjesë në konferencën për shtyp, që do të mbahet në këtë hotel nga ora 18:00, ku më pas do ta zhvillojë edhe stërvitjen e fundit para ndeshjes.