Ajeti ftohet nga De Biasi, pritet debutimi

Mbrojtësi i Baselit me origjinë nga Kosova, Arlind Ajeti (21 vjeç, Basel), pritet të debutojë për Shqipërinë në miqësoret e radhës që kuqezinjtë i luajnë ndaj Francës dhe Italisë gjatë nëntorit. 

Njoftimin e ka bërë të ditur e përditshmja sportive Arena sot, e cila ka folur me babain e lojtarit, që ka konfirmuar ftesën e përzgjedhësit Gianni De Biasi për Arlindin. 

Shqipëria më 14 nëntor do të ndeshet me Francës, derisa më datën 18 do të luaj ndaj Italisë - të dyja si mysafire. 

Miqësoret në fjalë janë miqësoret më serioze të zhvilluara nga Shqipëria në dekadat e fundit. 

Derisa Franca ka bërë të ditur listën e lojtarëve dje, Gianni De Biasi do të shpalos atë nesër.