FINAL FOUR: FENERBAHÇE - ZALGIRIS
Foto: euroleague.net
Ali Muhammed çon Fenerin në finale
18 May, 2018 @21:48
Finalja e tretë me radhë e kampionit aktual të Euroligës, që sonte kaloi pengesën në Final Four, Zalgiris, me 9 pikë diferencë për të shkruar emrin përsëri në finale dhe të luftojë ende për të qenë në lojë për mbrojtje të titullit të më të mirit në Europë.
Tre mundësi rikthimi të Zalgirisit nuk qenë të mjaftueshme, pasi që në Stark Arena të Beogradit, Fenerbahçe me lojën e mirë të Ali Muhammed në çerekun e fundit që shënoi 10 pikë nga 19 të tij, bëri që kanarinat e Stambollit të fluturojnë në finale, 76-67.
Luigi Datome shtoi 16, ndërsa Kostas Sloukas 14 të tjera në fitoren e ekipit turk ndaj atij lituanez.
Te ekipi i Sarunas Jasikeviciusit, Kevin Pangos shënoi 16 pikë, 12 të tjera shtoi Brandon Davies ndërsa 10 Aaron White - por s’mjaftuan për të bërë befasinë.
Fenerbahçe në finalen e Beogradit do të pres fituesin e duelit mes Real Madridit dhe CSKA Moskës.
