NËN SHIKIMIN E VAR-it
A&N - Feronikeli’74 luhet në “Përparim Thaçi”
18 May, 2023 @18:55
Skuadra A&N nga Prizreni ka bërë të ditur se përballja mes tyre dhe Feronikelit’74, që është shumë e rëndësishme për këta të fundit do të luhet në Përparim Thaçi. Skuadra e Feronikelit’74 po kërkon minimalisht një pikë nga kjo ndeshje ashtu që të sigurojë Superligën për edicionin tjetër.
Përballja është përcaktuar të luhet të dielën, sikurse të gjitha ndeshjet tjera të xhiros së fundit të Ligës së Parë, me fillim prej orës 15:00. A&N zakonisht luan në stadiumin e saj në Korishë të Prizrenit, por kësaj radhe kjo ndeshje e rëndësisë së madhe, do të luhet nën asistencën e VAR-it.
