Arifaj zyrtarisht te Liria

Njëri prej golashënuesve më të mirë që ka Superliga, Granit Arifaj, i është bashkuar edhe zyrtarisht skuadrës nga Prizreni, Liria.

Arifaj sot është prezentuar para mediave nga drejtori Erxhan Dana si përforcimi më i ri i skuadrës bardhezi.

“Jam i lumtur për arritjen e marrëveshjes. Liria është ekip me traditë. Besoj që t’ia shpaguaj besimin,” ka thënë Arifaj pas nënshkrimit të kontratës.

Ndërsa drejtori Dana, me rastin e prezentimit të Arifajt shprehu kënaqësinë e tij për këtë transfer, derisa bëri të ditur se në ditët në vijim do të realizohen edhe përforcime të reja.

Arifaj ka nënshkruar kontratë një vjeçare me Lirinë.

Ditë më parë, Liria pati emëruar për trajner ish futbollistin e mirënjohur, Bledi Shkëmbi.

Arifaj stinorin e kaluar ka luajtur për Drenicën, ku ka shënuar 14 gola.