KROACI
Balaj me golin e radhës te Rijeka
12 April, 2015 @22:04
Sulmuesi shkodran i kombëtares shqiptare, Bekim Balaj, ka vazhduar me gola për Rijekën në elitën e futbollit kroat.
Balaj ka shënuar sot edhe golin e tij të pestë në kampionat për Rijekën, në fitoren e ekipit të tij prej 4-1 ndaj Zagrebit.
Balaj ka realizuar golin e dytë të ekipit të tij në fitoren e shënuar në Kantridë, derisa për shkodranin ky ka qenë goli i shtatë për Rijekën në të gjitha garat.
Rijeka është në vend të dytë të elitës kroate dhe ka siguruar kualifikimet për Europa League stinorin e ardhshëm.
